إسترجل و اكتب عربي

Standard

السلام عليكم و رحمه الله و بركاته

الموضوع ده انا بكتبه لأنى مستغرب من اللى بيحصل دلوقتى .. الناس كلها بتكتب اللغه الغريبه دى على انها هى لغتنا الأم و ناسى ان فى شىء أسمه “اللغه العربيه” ..(أنت قريت السطر الأول دلوقتى .. اه بدأ تخلف و رجعيه اهو و حيقولنا العربى اكتبوه)
لو كان ده ما دار فى ذهنك دلوقتى من فضلك اقفل الموضوع و ماتكملش قراءه لأنك مع احترامى الشديد جدا ليك حتفضل طول عمرك متخلف🙂
اما لو حاجه تانيه كمل و أمرك لله (طبعا كله حيقول ايوا ايوا كان حاجه تانيه عرفت ازاى ) ماشى ماشى😀
نرجع لموضوعنا و هو الفرانكو .. بصراحه انا حاولت اعرف السبب فى كتابه اللغه دى .. البعض قال معنديش عربى على الكيبورد (حجه جميله)
البعض الاخر قال متعود عليه و بيتكتب اسرع من العربى .. رغم انى شايف العكس العربى بيتكتب اسرع لان ده وسط الحروف فى ارقام
عموما مش موضوعنا مين الاسرع
موضوعنا ان البدعه دى غريبه اوى يعنى مثلا انا لو عاوز اكتب كلمه مرحبا اكتبها كده
“mr7ban”
بس استغربت من حاجه تانيه .. هل لو شخص انجليزى حب يكتب كلمه انجليزيه زى
“Hello”
ممكن يفكر يكتبها “هالو” بحجه ان العربى اسرع ؟🙂
بصراحه ماتخيلش حاجه زى كده ممكن تحصل
طب ليه عندك عربى على الكيبورد ؟ و بتكتب فرانكو؟
الكارثه هى ان شركه “جوجل” العملاقه اعترفت باللغه دى و عملتلها خدمه اسمها “جوجل تعريب” و دى للناس اللى ماعندهمش عربى ع الكيبورد .. يكتب الجمله بالفرانكو و تتحول لعربى فتاخدها كوبى و تطبعها اينما تشاء (حلوه اينما تشاء اوعى حد يفهم غلط) يمكن البعض شايف ان كده جوجل بتساعد الناس على التخلى عن الفرانكو .. بس هى كده بتزود عددهم لأن لو واحد مايعرفش فرانكو و ماعندهوش عربى على الكيبورد مضطر لكتابه الفرانكو غصب عنه لتحويله عن طريق الاداه دى الى عربى و يطبعه اينما يشاء زى ما اتفقنا😀
و ممكن كمان يفضل شغال بالفرانكو ده على طول بدل ما يوجع دماغه بالتحويل

رابط الأداه للأطلاع عليها : http://www.google.com/ta3reeb?utm_source=Google&utm_medium=Search&utm_campaign=HA

حدخل فى موضوع تانى .. هو ان ليه هتلر كان شايف ان ابناء لغته و جنسه و دينه هما اللى لهم حق يعيشوا و ان الباقى لا .. يعنى الراجل ده عظيم لأنه فخور بلغته و بأصله
ليه هنا بندفن العربى و نكتب بالفرانكو ؟؟
حتقولى علشان ده الموضه ؟
حجه مش مقبوله .. ما هو لو عاوزها موضه بقى يبقى امشى على الموضه كلها و اراهنك انك بعد كده ممكن تمشى من غير هدوم😀
انتوا عارفين .. ناقص حاجه واحده بس هى اننا نكتب الاحاديث و القرأن بالفرانكو علشان تبقى كملت بجد
طب حقولكم حاجه .. فاكرين اعلان بيريل اللى كان بيقول “استرجل و اشرب بيريل” اهو انا بفكر اخليها “استرجل و اكتب عربى” مع الاحترام للساده خبراء الفرانكو🙂
ما هو الخيبه مش من شويه .. الخيبه قويه جدا من الحاجات دى
يعنى مش عارف انا اشمعنه الحاجات الهايفه بنتصدر فيها .. فيها ايه لو اخدنا من الغرب الحاجات الكويسه اللى عندهم بس و سبنا اى حاجه فيها فساد
حبه فرانكو .. حبه أيمو .. حبه شذوذ .. حبه تخلف .. و حبه حبه و حتبقى مربى🙂
ربنا يهدى

أطيب التحيات
– محمد ناصر –

One thought on “إسترجل و اكتب عربي

  1. و انا ابحث عن صورة لاضعها في مدونتي لتدوينتي الجديدة جائتلي هذه الصورة في معرض جوجل للصور و قبل ما اعمل لها حفظ قررت الدخول ف لينك الصورة لاعرف عن ماذا كان موضوع الحديث فيها فتفاجأت انه نفس الموضوع الذي سوف اطرحه http://lollylolitta.blogspot.com/ .. يا محاسن الصدف :))
    و قرات الموضوع و اعجبني و فعلا يا ريت احنا كلنا نسترجل و نكتب عربي ^_^

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s