الكوالامبوريين هم بناه الاهرام !!

Standard

السلام عليكم

الحكايه بأختصار من ان من فتره كنت قاعد مع صحابى على كافتريا و كان ده بعد المباراه النهائيه اللى جمعت مصر و غانا فى بطوله كأس الامم الافريقيه انجولا 2010
المهم لقيته بيقولى ان فى باحث اسمه فوزى الصمودى بيقول ان الجزائريين هم بناه الاهرام و بالادله و انهم شيدوا القاهره و ساهموا فى البناء , بصراحه استغربت جدا و قلتله انى قريت من فتره ان واحد مصرى كان عامل كتاب اسمه “الفراعنه لصوص حضاره” و بينسب البناء لقوم عاد او “العماليق” زى ما بيطلق عليهم و ان الكتاب متوزع على الانترنت و فى موضوع كمان منتشر جداااا على جوجل اسمه الفراعنه لصوص حضاره بيشرح اجزاء من الكتاب ده لا و بيقول ان قوم عاد كانوا عمالقه علشان كده بنوا الاهرامات بسهوله (طب بالذكاء كده لما هما عمالقه بنوها صغيره لييييييه؟؟ بيأمنوا مستقبل الفراعنه اللى جايين بعدهم؟؟؟) ما علينا سيبك من الحته دى
من كام يوم كمان كان فى مرشدين اسرائليين بيقولوا للسياح ادام الاهرامات ان اللى بناها اليهود و ان الحضاره المصريه مجرد زيف .. الله ايه كل ده؟
الفراعنه؟؟الجزائريين ؟؟ قوم عاد؟؟ اليهود؟؟
مين بنى الاهرامات؟؟
فقررت البحث عن الحقيقه طبعا :p
و اكتشفت .. نعم الكوالامبوريين هم بناه الاهرام😀
و ده تم بمساعده البوركينافسويين .. و كان الهدف من انشاء الاهرمات هى صد العدوان على العاصمه الماليزيه كوالالمبو
كان يا مكان كان فى زمان راجل شرير جدا عاوز يحتل كوالالمبور و كان خطته انه ينزل الاول على مصر بالمظله هو و مراته و ابنه و الوزير بتاعه على اساس انهم رايحين يصيفوا و بعدها طياره و على كوالالمبور و اديها احتلال
فكر الكوالالمبوريين فى حيله ذكيه جدا و هى بناء الاهرامات

و كان الهرم بيعمل بالريموت كنترول مره يبقى مقلوب و انت نازل بالمظله تشوفه على شكل ساحه للهبوط لكن بمجرد ما تقربه منه يقلب رأساً على عقب و يبقى الجزء المدبب منه لفووق و يتم القضاء على العدو

و الحكمه فى بناء الثلاث اهرامات كانت الكبير للراجل الشرير و الاصغر لزوجته و الاصغر خالص لأبنه
و بالفعل تم القضاء عليهم بمجرد هبوطهم بالمظلات نزلوا على الهرم على طول و هووب خلصت
لكن حدث ما لم يكن فى الحسبان يا رجاله و هو ان وزيره فلت من الفخ و كان بينزل من على الهرم زحلقه بسرعه فائقه و يعود الى بلاده سليم
ففكر البوركينافسويين فى حيله ماكره و قالوها للبوركينافسويين علشان ينفذوها و هى انشاء هرم قلاووظ😀
و سموه هرم قلاووظ و تم تحريفه فيما بعد الى سقاره

و بالفعل تم قلوظه الوزير الهارب و تم القضاء على اضخم هجوم على العاصمه الماليزيه كوالمبور
و جثه الراجل الشرير و مراته و ابنه و الوزير موجوده داخل الاهرامات هى و المظلات
و بكده يبقى الكوالالمبوريين هم بناه الاهرام بمساعده اشقائهم البوركينافسويين
😀 و تم عمل توكيل لدوله الصين لعمل هرم مكتوب عليه من تحت صنع فى الصين و ده حينزل الاسواق قريب جدا
الحمد لله ان الحقيقه بانت
فى رعايه الله

3 thoughts on “الكوالامبوريين هم بناه الاهرام !!

  1. Muhammad Negm

    واد
    انت ياض
    بسرعة اعملها بوست علي قهوة كتكوت في الرطلين
    انت طلعت دماغ اهو!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s