عفواً لقذ نفذ رصيدكم .. طفى النووووور

السلام عليكم 

 

 

جمله “عفوا لقد نفذ رصيدكم” و انت بتتكلم فى الموبايل فى حاجه مهمه ولا مكالمه رومانسيه

بتحس بعدها بطعم الظلم و انك مخنوق من الوليه اللى قالتلك كده بس عادى ملحوقه تروح تشحن و تتكلم تانى

انما تخيل و انت قاعد فى بيتكم و فى امان الله و فجأه عداد الكهرباء لقد اوشك رصيدكم على النفاذ  يرجى اعاده شحن البطاقه

بس قلوبهم رحيمه مش حيقطع على طول حيقطع الساعه 10 صباحا من اليوم التانى

يعنى شد حيلك يا وحش حتنزل كده الساعه 8 الصبح ولا حاجه تدور على كرت شحن لعدادك و تلاقى بقى ابو 10 بيتباع ب10.50 و تقوله لسه جايبه من اللى جنبك ب10 يقولك ببجاحه خلاص روح هات من عنده طالما كده جايلى ليه

حصلت فين دى قبل كده؟؟؟

ماتتعبش نفسك .. ماحصلتش و بما ان مصر فى الرياده حتحصل عندنا

ايوا .. حتبقى تشحن عداد الكهرباء بكروت شحن زى الموبايل

بس ماتقلقش حيبقى فى طبعا عروض زى مثلا اكسب 1000 وات كل ماتفتح نور الحمام

و اغانى حلوه بقى

“قالوا مجنون اللى يفكر حتما حتما حتكفر و تجيب حق الشحن منين؟! “

“اللى معهوش مايلزمهوش”

“يايتدفع حق الكارت ..يا تعيش عيشه قحط .. و هو ده عرض المعلم”

و طبعا بنات النت حتهيص بقى بدل ماتقولك اشحنلى الموبايل تقولك اشحنلى العداد و خد بالك لو ماشحنتش النور حيقطع و مش حتشوفنى تانى

يعنى كده تهديد و حتدفع الكارت غصب عنك .. اومال ايه تسيبه يقطع ده كلام !

خد عندك بقى بعد كده .. انت كارت ولا خط ؟

يبقى حتى فى الكهرباء بقت كده

يا خوفى يعملوها فى المايه و الغاز

و انت فى امان الله يقولك “عفوا لقد نفذ رصيدكم يرجى اعاده شحن الشطافه”

الله ينتقم منكم

الصين حلوه !

السلام عليكم

اه الصين حلوه .. بس مش علشان أبو موته و اعوانه

لا .. علشان الأسعار و الغلاء اللى احنا فيه اتفاجىء النهارده ان كيلو الطماطم بـ7 جنيه .. اه بـ7 جنيه

الطماطم اللى كان ال4 كيلو بجنيه يعنى الكيلو الواحد واقف بربع جنيه (الله يرحمه و يحسن اليه مات يا عينى من يوم ما عملوا له عمليه و سدوا الخرم) بقت ب7 جنيه للكيلو الواحد

ولا الفاصوليا الخضرا و جمالها بقى ب16 جنيه الكيلو يعنى الموظف اللى بياخد 250 جنيه قول عنده عدد 2 ابناء و مراته حيجيب كام كيلو فاصوليا خضرا !!

ايه ده حياكلها لوحدها ؟ فين السمنه ؟ و الرز ؟ و الملح .. الخ

يبقى كده خلال 3 ايام لو ماكنش يومين ال250 جنيه طاروا .. اه طبعا مش فى مواصلات و مايه و كهربا و غاز

يبقى الصين حلوه ولا لا !!

اه و الله كده الصين حلوه .. ده مش الصين بس ده الصومال كمان حلوه على الأقل هما بطبيعتهم غلابه مش بيتسرقوا علنى كل يوم ..

بالنسبه بقى للكتب بتاعت الثانويه العامه ياااه الوزير عاوز ضريبه عليها (طبعا دى مش فكره وزير التعليم دى فكره وزير الماليه اللى بياخد ضريبه على الملابس الداخليه بس ماقلش المره دى بنفسه و صدر وزير التعليم) و مانع نزولها الأسواق لحد دلوقتى و الدراسه السبت الجاى

و ان شاء الله الطلبه اللى عندها ثانويه عامه دى تذاكر منين؟ هاااا أوعى تنطقها و تقولى كتاب المدرسه ازعل منك اوى

ده كتاب المدرسه بتاع الابتدائى يديك سطر معلومه و يكتبلك جنبه (أبحث بنفسك على الأنترنت) على اساس اننا يعنى عندنا التكنولوجيا واخده حقها اوى فى البلد

بتقلدوا أوروبا !! بتقلدوا مين يابا اللى سبق أكل النبق ولا نافع

العيال شكلها محشش الواد تلاقيه واقف ادام المدرسه الابتدائى ولا الاعدادى و فى بؤ أمه سيجاره

ده حيبحث ازاى على الانترنت ده ؟!! أنسى و خد البنسه

ده انا لما كنت فى اعدادى مافتكرش انى نزلت معمل الحاسب الاَلى الا مرتين .. مره كان الاجهزه مقفوله و المره التانيه قالك نتفرج بس و كانت شغاله على ويندوز 95 .. يا فرحتى بالتكنولوجيا

اه صح نسيت .. المره اللى الأجهزه كانت شغاله فيها واحد زميلى فتح الماوس و اخد البليه بتاعته حطها فى بؤه و طلع بيها من المعمل بيلعب بيها فى الفصل

فعلا محتاجين تكنولوجيا

ده انا بلاقى ناس شغلها كله فى الكمبيوتر مايعرفوش حاجه عن انظمه التشغيل

بس و ماله كله بالكوسه

مش المثل بيقولى “بالكوسه البوصه تبقى عروسه”

ولا ليه يبقى فى بوصه أساساً قضيها عروسه على طول ما هى كوسه بقى

توافق العربيه مع الأنجليزيه فى الأتجاهات على الووردبريس

السلام عليكم

عندما تقوم بكتابه مقاله على الـWordpress

تجد ان اللغه الأنجليزيه تذهب يميناً و العربيه يسارأ

بمعنى أصح

تريد كتابه:

أنا أسمى Mohamed

تلقائى تجدها أصبحت

Mohamed أنا أسمى

بالرغم انك تريدها مكتوبه تباعاًَ العربيه أولاً ثم الانجليزيه

ستجد و انت تحرر تدوينتك تبويبتين الأولى Visual و هى التى تحرر بها و الأخرى HTML و هى الكود الخاص بتدوينتك

لأنك تعمل عن طريق Visual بنظام WYSIWYG أو بوضوح What you See is What you get

بالعربيه ما تراه هو ما تحصل عليه ..

ادخل على تبويب HTML

و فى أول الكود أكتب هذه التاجه

< div dir=”rtl”>

و فى أخر الكود أكتب

</div>

بعدها احفظ التغييرات ستجد تدوينتك أصبحت اللغه العربيه بها سليمه 100%

بالتوفيق

محمد ناصر

مصايب عملتها !

السلام عليكم

مش لاقى حاجه معينه أكتب فيها دلوقتى قلت اكتب شويه مصايب عملتها فى مراحل عمريه مختلفه

و اهو تغيير و كل سنه و انتوا طيبين رمضان كريم يعنى

طبعا المصايب مش فاكرها كلها دلوقتى بس فاكر جزء منها كويس و نبدأ و أنا عندى حوالى 4 سنين

كنت كل ما اشوف جدى رايح الجامع اعيط عاوز اروح معاه و فى مره غلط و اخدنى معاه فعلاً

لما دخلت الجامع لقيت المنبر بتاع الخطيب مفيش حد واقف عليه و كانت ساعتها صلاه مغرب تقريباً

سبت الناس كلها بتصلى و قعدت انا فوق المنبر و كنت مبسوط اوى بشكلهم و هما بيقوموا و يسجدوا و كده .. فجأه لقيت المايكروفون بتاع الجامع فيه صاموله

طبعا الصاموله دى علشان يطول أو يقصر و كان المايكروفون ساعتها شغال

الناس ساجده فى الأرض و انا شغال لعب فى الصاموله لحدددددد ما هوووووب المايكروفون وقع جوا الماسوره بتاعته و هو شغال مع صدى صوت مدوى ماقولكوش بقى ع الصوت

و كانت ايامها الجماعات الأرهابيه بتفجر فى الجوامع ..

و الاقى الإمام و المصليين كلهم سابوا الصلاه و قالوا :”الله اكبر” بصوت عالى و اللى جرى و اللى ساب الشيشب بتاعه و اليوم ده كان الجامع الوحيد فى مصر اللى ماصلاش المغرب

و مسكوا جدى الواد ده مايجيش معاك تانى .. و جدى بقى يا جماعه الرسول قال عودوهم على الصلاه يقولوله يا حاج عوده فى البيت ماتجبهوش هنا او روح بيه جامع تانى و مشيت طفل يائس مش عارف الناس بتعمل معايا كده ليه هههههههههههههههههه

————————————————-

كبرت شويه شويه و انا فى ابتدائى

كان عندى واد فى الفصل كده فى حاله

فضلت انكش فيه انكش فيه .. و كنت غاوى اوى حصه الكمبيوتر بقى ياااااااااه و حنلعب بقى و كده

كنت اطلع فوق اقول حلعب مع الواد ده و افضل اغلب فيه و اغيظه .. افتراء بقى هههههههههههههه

المهم مره و انا بنكش فيه راح شتمنى بالأم .. بصيت له كده أنت قلت ايه ؟؟؟

راح ماقلهاش تانى

رحت قلت للأستاذه بتاعت الدراسات و هى اصلا ماكنتش بتحبنى و لا بتطيق أسمى

قلتلها الواد ده شتمنى بالأم و قالى كلمه عيب يا ميس عااااااااااااا

راح قالتلى نزله لأستاذه محفوظه ناظره المدرسه

فااااااااصل : أبله محفوظه دى كان اسمها لوحده يرعب الله يرحمها يا رب هى كانت بتحبنى بس كانت بتضربنى لما اغلط و كانت شديده فى المعامله من باب التأديب و كده بس كانت طيبه جدا فى الحقيقه

و انا نازل بيه لأبله محفوظه فضل يعيط و يقولى طب اضربنى انت و ماتودنيش

اضربنى بالقلم على وشى و ماتودنيش

وديته بردو

و خد اللى فيه النصيب

و انا طالع معاهخ الفصل ضربته بالقلم على وشه

كنت مفترى اوى ههههههههههههههههه

——————————————————-

فى نفس السنه تقريبا

كان عندى جهاز اتارى معفن كده كنت هالك أمه طول اليوم لعب لعب لعب

لحد ما كان بيشتمنى فى سره

المهم اتخنقت من الألعاب اللى فيه

رحت لراجل لسه فاتح جنبنا قلتله عاوز تأجير شريط اتارى بس العاب حلوه يا عمو و النبى

عطانى شريط حلو و الوقت لحد بكره بقى

طبقته منه لحد بعد بكره

بقى يروح لجدتى لأنى حاطط الرهن على بيتها هههههههههههههههههه

ياخد منها كل يوم تأخير نص جنيه كمان

المهم اتخنقت من امه

رحت مبدل الشريحه بتاعت الشريط بشريحه قديمه عندى و قلت ادهوله كده

حسيت ان ممكن يكون عامل علامه

رحت باصص فى الشريط من تحت لقيته اللئيم حاطط علامه بقلم احمر

رحت جايب قلم احمر بتاع الرسم و عاطيله العلامه فى الشريط القديم

و سلمته الشريط

و بالشفا

ربنا يسامحنى

——————————————————–

كبرت سنه كمان و كانت نفس أستاذه الدراسات

عندها عصايه حلوه اوى أد الشجره و كانت مسميه العصايه “عزيزه” كنت كل يوم اخد من عزيزه دى 6 عصيان

بحجه انى مش بعمل الواجب

فكرت فى حيله

قلت بابا كل ما اغلط حرمان من مصروف

جبت كراسه و كتبت فيها انواع النقود و طلبت من ابويا

عاوز 5 قروش و 10 قروش و 20 قرش و 25 قرش و نص جنيه و جنيه ورق و ربع جنيه مخروم و خمسه جنيه ههههههههههه كفايه كده

علشان الزقهم فى الكراسه و اكتب عليهم انواع النقود كنشاط للدراسات الاجتماعيه

ابويا عطانى الفلوس دى و لزقتهم

و وريت للأستاذه الكراسه و اخدت درجات عليها و هى قرفانه منى طبعا

و خليت الكراسه معايا كل ما ابويا يحرم من المصروف افك من الكراسه اى حاجه ههههههههههههههههه

و اهى ماشيه

———————————————-

كبرت كمان و كمان لحد أولى ثانوى

فى اولى ثانوى كانت النت كافيه بدأت تنتشر جامد

الراجل بتاع العصير اللى جنبنا قلب المحل بتاع العصير بتاعه لنت كافيه علشان كان معفن بصراحه مره لقيت حشره فى العصير بتاعه الله يقرفه

المهم

كنت ادخل النت كافيه بتاعه انا و سيد صاحبى و احنا جايين من المدرسه الساعه 2 كده و اروح زارع على جهاز او جهازين باتش سرقه الباسوردات

و ارجع بالليل انا و سيد و احنا رايحين الدرس على الساعه 7 ناخد الغنيمه

تقريبا سرقت ايميلات شارعنا كله

مره كنت مطلع كراسه و بنقل الباسوردات فيها جه واحد

و قال للحاج صاحب السيبر ايه يا عم هو انا كل ما اجى هنا الايميل يتسرق؟ ينفع كده؟

راح الراجل بص لى كده

رحت قافل الكراسه و خالع

حسابك كام يا حاج؟

قالى انت حاجز ساعه و ماقعدتش تلت ساعه قلتله يا عم اشطه خليها عليا انا و خد  حساب الساعه

و خلعت

رحت مره تانيه و لسسسه بفتح الباتش

الحاج شافنى قالى ايه ده ؟ هاكر ؟

قلتله لا يا عم ده برنامج بيعمل مقالب هاهاهاها

راح قالى انت حتهزر؟.

ده برنامج هكر مكتوب اهو عليه

قلتله يمكن هو لسه مبعوت انا مش عارف بتاع ايه ده 

راح قالى اقفله و قوم

جيت اروحله مره تانيه

عاوز ساعه نت يا حاج

قالى النت مقطوع

طب ساعه نيد فور سبيد

الويندوز واقع

طب مش بتوصل نت للبيوت يا حاج؟

بطلنا

انت بتعمل معايا كده ليه يا عم

ماله المودم حلووو بردو

رحت وصلت بيتنا وصلت المودم

و بعتت واحد مايعرفهوش

كلمته من المسنجر و هو جوا السيبر

و بعتله الباتش

قلتله افتح ده و طيييييييييير

هههههههههههههههههههه

حتروح منى فين يا حاج !

————————————————–

كفايه كده و نكمل بعدين

تهييس : دمج التكنولوجيا بالرعب و أذيه الناس

السلام عليكم

Hellworld
من كام يوم كنت بتفرج على الفيلم ده
بأختصار هو عباره عن لعبه كده شبه الصندوق فتحت منفذ لعالم الجحيم
اللى يضغط على زرار اللعبه تتفتح و يطلعله الراجل البركه ده هو اتنين شكلهم مخبرين كده ههههههههههههههههه يعنى هو وسيم بالنسبه لهم

المهم فكرت فى دمج التكنولوجيا بالرعب و أذيه الناس و ممكن تنفع جزء تانى للفيلم تصدقوا بقى

الفكره كتاتى انى اقلب جهازى ويب سيرفر (للى مش فاهم يعنى جهاز بيتحط عليه صفحات الموقع علشان تتصفحها سيادتك من المتصفح بتاعك) تمام كده

و طبعا بما انه سيرفر لينكس يعنى ممكن اننا ننفذ عليه أوامر الشل ببساطه

فى أمر لذيذ بيفتح السى دى رووم اسمه eject

لو عملنا ملف شل سكربت كده

#!/bin/sh

eject

eject -t

و ده لو نفذناه حيفتح السى دى روم و يقفلها تانى على طول

الفكره بقى انى اجيب اللعبه دى و ادق مسمار فى السى دى روم و اعلقها ادامه

و بعدها اعمل موقع احطه على السيرفر و فيه ملف لغه

PHP

و اعمل زرار جميل click Here Please

أى حد فى العالم يدوس على الزرار

و طبعا عن طريق بى اتش بى اعمل تنفيذ عن طريق الداله

exec

للملف

eject.sh

اللى بيفتح السى دى روم و يقفله

يقوم السى دى روم يفتح و المسمار يدوس على اللعبه تفتح عالم الجحيم

و طبعا مين السبب فى فتح اللعبه؟

اللى ضغط الزرار اللى فى الموقع

تخيل كام واحد حيضغط على الزرار و يخش الجحيم :p

و محدش يعمل فيها فتك و يقولى هما حيعرفوه منين بقولك جحيم يا جدع يعنى ممكن تلاقيهم فى بنطلونك

ابقى اتفرج على الفيلم و انت تفهم

و علشان ماتعملش فيها حدق اوى يا عم حيبقى تكنولوجيين و يجيبوه بالأى بى بتاعه هههههههههههههههه

و يطلعله الراجل البركه و المخبرين بتوعه

ايه رأيكم

مش ينفع الجزء التانى

HellSite

محدش يتريق على دماغى علشان هى كده

SwingX Java مع NetBeans طريقه توافق

قم بتحميل الحزمه المكتبيه من الموقع الرسمى

يكيفك تحميل الاَتى فقط:

1.SwingX-1.6.1

2.SwingX-1.6.1-src

بعد التحميل ضعهم فى مجلد فى أى مسار تريد (يفضل فى مسار مكتبات جافا الافتراضيه) و قم بفك الضغط عن الملفين المضغوطين

بعدها افتح NetBeans

Tools –> Libraries –> New Library

سمى المكتبه الجديده بأسم SwingX

و الأن لديك 3 تبويبات نعمل عليها Tabs

الأول Classpath

اضغط على زر الأضافه Add JAR/folder

اختر له الملف Swingx-1.6.1/swingx-1.6.1.jar

ثم اضف هذا ايضاً Swingx-1.6.1/swingx-beaninfo-1.6.1.jar

التبويب الثانى Sources

اختر له المجلد Swingx-1.6.1-src/src

التبويب الثالث javadoc

اختر له المجلد Swingx-1.6.1/docs/javadoc

و أضغط OK

اذهب الى:

Tools –> Palette –> Swing/AWT Components

اضغط New Category

سميه SwingX

اضغط على Add from Library

اختر SwingX

ثم Next

اختر الكل عن طريق زر CTRL+A

مره اخرى Next

ظلل swingX

Finish

هكذا تم دعم المكتبه لنت بينز

ملحوظه : مكتبات سوينج أكس غير مدعومه فى جافا6 و سيتم دعمها بشكل افتراضى فى جافا7

روابط مفيده:

http://madpropellerhead.com/random/20090924-using-swingx-in-netbeans

http://www.swinglabs.org/docs.jsp

http://weblogs.java.net/blog/kschaefe/archive/2010/07/08/swingx-using-promptsupport

http://weblogs.java.net/blog/kschaefe/archive/2010/06/14/quick-overview-recent-swingx-changes

الكوسه

. . .

الكوسه نبتت يابا و أطول من كل سـنه
ياما شفت منها العجايب و سبت الألسنه
لو ضغطك واطى مين غيرها يحل المشكله
و لـــو زهقت من حياتك تلقاها المعجـزه
يا فاشل ارفع صوتك لسه الأمانى ممكنه
الكوسه شفاء لكل داء حتى أسألنى أنا
فى الفرن زق الصوانى و كل بألف هنـا

. . .

how to make a select all my friends button in firefox to invite the to group | كيف تصنع زر اختيار كل اصدقائك على الفيس بوك لدعوتهم لجروب

السلام عليكم و رحمه الله و بركاته

يحتوى الفيس بوك على مشكله بسيطه و هى عند دعوه اصدقائك للاشتراك فى مجموعه او صفحه لا تستطيع اختيارهم مره واحده

اذا كان عددهم قليل يمكن اختيارهم واحد تلو الاخر بشكل فردى

لكن اذا كان العدد كبير .. فهنا المشكله

سأشرح كيف تقوم بعمل زر “اختيار الكل” فى متصفح فايرفوكس لتسهيل الأمر عليك

1.الخطوه الأولى

قم بالضغط بالزر الأيمن للفأره على bookmarks bar

تأكد من وجوده .. اذا كان مختفى اظهره عن طريق

View –> Toolbars –> Bookmarks Toolbar

كما فى الصوره تماماً

2.الخطوه الثانيه

سيظهر لك نافذه بها خانات املأها كمان فى الصوره التاليه

الخانه الأولى select all

و هى تتمثل فى أسم الزر

الخانه الثانيه كود جافا سكربت :

javascript:fs.select_all()

الخانات الثالثه و الرابعه و الخامسه لا عليك منهم

و اضغط Add

3.الخطوه الثالثه و الأخيره

لا تمثل خطوه تمام و لكن يمكن اعتبارها تجربه لما قمنا به

ستجد لديك فى الشريط زر اسمه select all

كما فى الصوره:

الان انت جاهز للأنطلاق

ادخل على جروب ما و ليكن هذا

http://www.facebook.com/#!/facebook?ref=ts

ثم

Suggest to friends

عند خروج نافذه الأصدقاء اضغط على الزر الذى قمنا بعمله

سيتم اختيار كل اصدقائك .. اضغط دعوه ليتم دعوتهم مره واحده

ملحوظه : الشرح يعمل على فايرفوكس على كل المنصات “ويندوز – لينكس – ماك” و الشرح تم على نظام لينكس

Mohamed Nasser

Monday 13 September 2010 01:58:41

اضافه : تم تعطيل هذه الطريقه من قبل مدراء الفيس بوك للأسف ..

Fuck Israel ..

السلام عليكم

النهارده قمت على خبر الهجوم الاسرائيلى على “أسطول الحريه” اللى كان بيقدم مساعدات لقطاع غزه

و طبعا ده مش بعيد على الصهاينه ما طول عمرهم ولاد كلب

عموما عملت تصميم بسيط جدا ضد ولاد الكلب اياهم

حل مشكلتين فى كدى 4.4 و مراسل كوبيتى | Fixing two problems in KDE 4.4 and Kopete Messenger

السلام عليكم

تتلخص المشكله فى برنامج كوبيتى على كدى 4.4 حيث تواجه مشكلتين أساسيتين و هما

1. عند تجربه كاميرا الويب تظهر رساله تطلب منك مكتبه Jasper

2.عند مراسله احد اصدقائك يصلك حديثه لكن  لا يصل حديثك اليه

المشكله الاولى تتلخص فى عدم وجود هذه المكتبه .. و الحل هو تحميلها و تثبيتها من المصدر

حمل التالى : http://www.ece.uvic.ca/~mdadams/jasper/software/jasper-1.900.1.zip

ضعه على سطح المكتب و قم بفك ضغطه

أفتح الترمينال و نفذ الأوامر

cd $HOME/Desktop/jasper-1.900.1

./configure

make

sudo make install

اذا واجهتك مشكله مع الأمر الأخير قم بتثبيت أدوات البناء

sudo apt-get install build-essential

ثم عاود المحاوله حتى يتم التثبيت ..

جرب دعوه صديقك لكاميرا الويب ستجد رساله الخطا لم تظهر و حلت المشكله ..

المشكله الثانيه و هى الأهم و تتلخص كما ذكرت فى ان حديثك لا يصل الى صديقك بينما حديثه يصل اليك

المشكله بأختصار فى كدى 4.4 و ليست فى كوبيتى

المكتبه libkyahoo بها مشكله

الحل هو تثبيت المكتبه الأقدم من نفس النوع و الخاصه بكدى 4.3

حمل هذا الملف : http://www.4shared.com/file/iJ6WxQJH/usr.html

ضعه على سطح المكتب

نفذ الأمر

cd $HOME/Desktop

sudo rm /usr/lib/libkyahoo.so.1*

sudo cp usr/lib/libkyahoo.so.1.0.0 /usr/lib/ ; sudo ln -s /usr/lib/libkyahoo.so.1.0.0 /usr/lib/libkyahoo.so.1

قم بفحص اتصالك مع صديقك ستجد المشكله قد حلت ايضا و تم التواصل بنجاح ..